Þú ert hér Skip Navigation Links : Fréttir

Myndasafn   Volcano in Iceland
  Ýmsar Myndir
 
Aukin þjónusta í almenningssamgöngum sveitarfélaga Samstarf við Vinnumálastofnun og íþróttaferðir

Logo REX

Nýtt samgöngukort fyrir sveitarfélögin á Suðurnesjum verður kynnt á næstu dögum en það er unnið í samstarfi við Vinnumálastofnun með það að markmiði að gera atvinnuleitendum fært að sækja vinnu innan héraðs á milli sveitarfélaga og á Keflavíkurflugvöll.

Með þessari útgáfu eru almenningssamgöngur á svæðinu efldar til muna en samkvæmt samkomulagi við VMST verður boðið upp á sex ferðir í flugstöðina og á atvinnusvæði í vetur. Einnig verður boðið upp á þrjár fastar ferðir til Grindavíkur á virkum dögum og verður fjöldi ferða til Grindavíkur endurskoðaður um áramótin með tilliti til reynslunnar sem þá verður komin.Ferðunum mun fjölga næsta vor en samningurinn gildir í eitt ár.

Íþróttaferðir
Einnig verður boðið upp á svokallaðar íþróttaferðir en þannig gefst íþróttafólki í sveitarfélögunum kostur á að sækja æfingar í Garði eða Sandgerði, en þá mun áætlunarbíll fara öfugan hring, fyrst í Garð, þá Sandgerði og tilbaka í Garðinn áður en bíllinn heldur áfram til Reykjanesbæjar. Ferðirnar eru tilraun fram að áramótum og ef vel gengur eru líkur á framhaldi á næsta ári.

Tímatöflur og leiðakort sem sent verður til allra heimila á Suðurnesjum næstu daga gildir til áramóta eða þar til annað verður ákveðið. Mikil gerjun er í samgöngumálum á Suðurnesjum þar sem sveitarfélögin eiga gott samstarf og stefnir í verulegar bætur og fjölgun ferða á öllu svæðinu á næsta ári.
Samband sveitarfélaga á Suðurnesjum þakkar VMST samstarfið og vonar að það verði til að fjölga atvinnutækifærum og minnka atvinnuleysi á svæðinu.


Skráð 26.9.2012 16:25:44
<< Til baka í fréttir

© 2006 Allur réttur áskilinn - rcc.is - simi 421 4444 - rcc@rcc.is